Raqamli Iqtisodiyot fakulteti 1963-yilda «Iqtisodiy axborotlarni avtomatlashtirilgan usulda qayta ishlashni tashkil etish» mutaxassisligi bo‘yicha talabalar qabul qila boshlagan.
1968-yilda «Iqtisodiy kibernetika» mutaxassisligining ochilishi bilan «Iqtisodiy kibernetika fakulteti tashkil etildi. 2020-yildan boshlab Raqamli iqtisodiyot fakulteti nomi atala boshlandi.
Bakalabriat ta’lim yo‘nalishida o‘quv yuklamasi umumiy hajmi ta’lim yo‘nalishi va o‘qish davriyligiga muvofiq ravishda 240 kreditni tashkil qiladi. Talabaning bir semestrda o‘zlashtirishi kerak bo‘lgan kreditlari miqdori 30 kreditni tashkil qiladi. Ayrim holatlarda universitet Kengashi qarori bilan bir semestrda o‘quv yuklamasi hajmi kreditlarning boshqacha miqdorida belgilanishi mumkin. O‘quv yili boshlanishidan kamida bir oy oldin universitet rasmiy sayti (www.tsue.uz) va o‘quv platformasi (hemis.tsue.uz)da o‘quv yili uchun o‘quv jarayoni jadvali va ta’lim yo‘nalishlari va mutaxassisliklar o‘quv rejalari, fanlar sillabuslari e’lon qilinadi. Talbalar o‘quv jarayoni boshlanishidan oldin o‘quv rejada ko‘rsatilan fanlar bilan tanishib olishlari va tanlov fanlariga belgilangan oxirgi muddatgacha ro‘yxatdan o‘tishlari lozim.
Magistratura mutaxassisliklarida o‘quv yuklamasi umumiy hajmi mutaxassislik va o‘qish davriyligiga muvofiq ravishda 120 kreditni tashkil qiladi. Talabaning bir semestrda o‘zlashtirishi kerak bo‘lgan kreditlari miqdori 30 kreditni tashkil qiladi. Ayrim holatlarda universitet Kengashi qarori bilan bir semestrda o‘quv yuklamasi hajmi kreditlarning boshqacha miqdorida belgilanishi mumkin. O‘quv yili boshlanishidan kamida bir oy oldin universitet rasmiy sayti (www.tsue.uz) va o‘quv platformasi (hemis.tsue.uz)da o‘quv yili uchun o‘quv jarayoni jadvali va ta’lim yo‘nalishlari va mutaxassisliklar o‘quv rejalari, fanlar sillabuslari e’lon qilinadi. Talabalar o‘quv jarayoni boshlanishidan oldin o‘quv rejada ko‘rsatilan fanlar bilan tanishib olishlari va tanlov fanlariga belgilangan oxirgi muddatgacha ro‘yxatdan o‘tishlari lozim.
